經過近一年的苦練之後，我終於成功將自己的辦公時間轉為卡塔爾時間.
這也許要歸功於某港社會，個人惰性，還是去年亞運？

What a shame!

---

與老生看完了《某行業工作者用某段時間談某些事》，老某主要都是去捧佢的偶像之一蔣小姐；小弟其實都可能是捧下女演員而已，只是捧的是朱小姐？還是校友歐研小姐？還是...有「令人窒息」美譽的吳小姐？

說回部戲，本來有訊息並無問題，可是給出的訊息過於互相干擾，其實都無問題，因為現實社會真是咁......但係而家講緊係一部電影 wor.所以，最好都是配合誇張的劇情，係咁意給出一兩個甚為搶腦的訊息算吧

---

上回好似沒說我看了嘔聯決賽，本季它太富前宗主國色彩，引致我都沒怎在看，稱它嘔聯真的不為過...是場還是以一個圍繞膊頭做的戰術，以及它的主人，一個比歐喂輪更歐喂輪的球員，來決定勝負，你說是不是很沒趣？

---

最近有些友人問我會否出席下星期某晚上的《白燭火燒馬先生》聲討大會，我一如以往說不會去.原因很簡單，我絕少悼念懷念紀念事情.有甚麼事情是重要得需要超脫腦袋，用其他行動和資源去念的呢？想一些事得到平反，一些人得到報應，碎碎唸就好.

真要念的話，不如念下在鹿兒島遇疑似港人一週年，或者念與某些女生行山四週年，或者念在某地方正苦立中學某台上玩無聊問答七週年之類的？

某港之審裁處可謂到了遇神殺神遇佛殺佛的地步，真是勁過先前豆泥行動中的米雪姐姐.如今日月報連轉載都中彈，小弟真是有點擔心在這裡談論事件 會被指文章不訝，即使我只是說「馬校」「學生編輯」「幹的那事」.一陣話我無啦啦提起件事，挑起無知少年條筋去搜尋有關事件來龍去脈，我咪大劑？

仲搞到可愛的小朋友莊友都嚇到要自我澄清道歉云云，遲下都唔知要唔要戒埋「小眾」電影（家陣仲敢用「程式」果兩個字咩，無辜稚子又在想入非非中喇﹗）

咁搞法可能連老生偶像 Mandy 姐果套「某行業」工作者十日談都可能 ban 鬼埋，老生趁有得睇快 D 去睇喇

如 今可證里昂同學的友人講得真是無錯，審裁處審案，完全不用看動機，齋計 Keyword 夠數就搞掂，以後睇黎大家講野要小心 D，尤其捅你同學呢類，把口就唔該乾淨點喇，事關你街上講一句粗話都隨時令附近的後生仔諗埋晒 D 唔知咩野，造成社會價值混亂，動蕩不安就唔好啦；還有 Jhon 哥打鋼彈遊戲時就不要隨便說揸愛「機」了，否則被旁邊超過十六歲的思想不成熟年輕人聽了就弊喇

仲有呀，以後大家約埋捅你同學去睇波的地方 叫「含乙醇液體售賣處」；好像捅你同學這種人我們要叫「含乙醇液體愛好者」，又或者簡單一點叫「流0」；記得唔好叫錯呀，如果唔係唔小心講左個「走」字， 又會令到年輕人感到困惑，道德衛隊感到不安的了；隨時被審裁處審死你，入你罪，罰你款，送你去坐，通你櫃，唔係，應該係檢查你身體「後方一處凹陷的地方」

今日睇西岸決賽第二場之前，睇左 Draft Lottery，即是決定選秀次序的程序

其實過程相當簡單，事關攪珠的部分是唔會播出的，剩係有十四隊代表來到會場，個主持同佢地吹下水

Blazers 和 Wolfs 派左 Brandon Roy 同 Randy Foye，主持問到去年選秀日佢地被互換，如果而家去左對方果隊會點，貴為 ROY 的 Roy 沒有答我心中的答案，就是同 KG 打波應該會好開心但好無奈啦...

再問 Hawks 代表，嘩﹗The "Human Highlight Film", Wilkins! 事關個 pick 唔係頭三的話就要過比 Suns，一代傳奇如今變左操盤手，無法以球技去幫助球隊反而被一堆小球去決定命運，心情都不免緊張

跟住當然要問下就黎唔撈的經營之神，佢都是一副無可奉告模樣啦，但隊波有很大機會拿到頭兩 pick wor，再影返 Memphis 方面有一大堆球迷聚集觀看直播，就知道他們其實期望很大

結 果是由 14th pick 開始公布，一直聽不見 Hawks，直到 5th pick 聽到 Celtics，噢﹗咁咪即是 Memphis 一定是 4th pick，鏡頭一轉 Jerry West 仍是一副 cool 樣，不知是否因為唔駛再煩如何操盤了...

剩下頭三 pick ，去一去廣告先，廣告前已見到 Wilkins 笑到見牙唔見眼，另一位 Wilkens 卻是一副冷靜得不得了的模樣，他就是名教頭 Lenny，代表...Sonics! Sonics! Sonics! Ray-Ray!!!!!! 我都忍不住興奮起來﹗

去完廣告，播出一幅球迷的圖片，我都戥該位仁兄慘...

結果 Roy 站在傳奇球星和教練之間，卻被他拿到了頭獎﹗才 5% 左右的機會，運氣好到咁...

Sonics 也得到 2nd pick ，可望選入 Durant，咁即使 Lewis 決定離開問題都不大，如 Sign-and-trade 或可再增前鋒一名，隊中內線球員首選要數 Wilcox ，你說這問題多嚴重...

至於那是甚麼圖片？就是這位沒落已久之「傳統勁旅」的球迷了︰

昨晚觀晚間新聞，赫然聽見偉大祖國原來實行了「肉儲備」制度以調整肉食零售價；方才稍作搜尋後，原來早於兩三年前已有此制度，還由商務部建立了《中央儲備肉管理辦法》作指引.細閱之下，單位不單有冷藏肉食供應，還儲備了活體豬羊等等；如此有創意的做法真是偉大祖國先有.

再一次說明祖國地方咁大，治國思維真係要唔同 D.

---

是日售 1880，得進帳三千餘，好野

可以買部 Wii 了，但是我屋企無位玩，還是算了吧

先勞肥筆試至今已歷兩週

TNS 筆面都已歷五日

OAV...仲未叫我去做乜

今勻莫非 Swing and a miss...sanshin?

里昂同學連出兩文力插左邊大老發言，令我都禁不住重新啟動本誌右上角之中指，打幾隻字回應下...

馬 生是次發言明顯是幫了倒忙，但是大家係咁隨棍上則非上策，何解呢？因為通常連某港裡沉默的一群都忍不住要行動時，他們最想自己的行動能代表自己；如今各界 評論員、議員及學生猛咁衝出來執死雞，而且行文多見空泛（都唔難理解，因為誰是誰非一早已講到爛晒），多是揶揄為主，未能另起新點；如此恐怕某些沉默人士 有被牽著鼻子走之感，反而未必露面.不如簡單一句 X月Y日維園見，咁諸公就會乖乖蒲頭了

叫馬生收回言論也是搞笑，講一些傷害別人感情的說話除了犯左眾憎之外真是唔知犯了邊條例囉，呢類行動並不是唔 make sense 而是太陳腔仲悶過發哥口中的 N 年前德國製科技；不如去某處投訴他的說話令人感到不安毛骨悚然好過啦﹗話唔定可以笠佢膠袋呢

其實最怕不是馬生欠某種智慧，而是有人唔覺意說了心底話，此番說話說不定真是某派以至某政府的內部共識，咁就真是該燴了，我難以想像溫伯伯都是抱這種態度的

最後...再一次問里昂同學，你到底愛國不愛？我無話做人一定要愛，亦無規定你要愛哪國，但係規定你要答我.如你真是愛，比D提議先得架，唔通我罵和爭取後誠哥就會比錢我咩

---

最近發現了一件重要的事，就是讀了折學後令我充分了解到自己原來是一個極度（如果不是完全的話）欠缺道德的人，在此希望我的友人不要因此鄙視我，多謝合作

去薄分校為某學院宣傳 6*1*，職員們話我說得不錯，無錯呀，有關呢個課程我「說」的方面真的做得不錯架，不過係爭「讀」的方面呢

不如稍後叫佢地請一位無業校友擔任 6* 親善大使好了，應該都搵到兩餐

---

之後到通識部聊天，點知又要討論潮聞，咁我咪只好講此事件我唯一見解囉︰

明星報由五十步笑百步正式升格為無間道笑百步，某港有如此多 by definition 自稱中產家庭及無數小中大學生每天拜+讀，某港可以休矣

---

唔知我去無人居住荒郊堆舊肥，搞到週圍似乎好臭，明星小記會唔會報導之餘再到處帶人去離遠係咁意聞下堆肥幾臭，好等大家有個意欲和必要性去剷爆我呢？

覺得臭又要聞，諸公宜去驗下自己有無 OCD...

---

捅你同學謂 David 公仔應評級，唔係十九幾年前評左喇咩？無謂再浪費公帑啦，果 D 乜經物經都係啦，駛乜拿去評呢，無謂浪費公帑啦，記住 D 錢要留黎吸引市場人才如得哥去做耳奧嘛（昨晚一出招，似乎得哥好似心動左？）

乜經物經就一定係不訝到不訝啦，學得捅你同學的友人話齋，有晒 "Guideline" 嘛，果幾本野有晒 Keywords，Keywords wor，唔好講睇啦，聽見都毛骨悚然啦，釘硬.唔駛審呀，呢度唔係法庭，學得電視話齋，我講 ge 野就係證據啦，喂我跟足 "Guildline" 講架，唔係我個人觀點 wor，乜經物經得到不訝評級我一點都不驚訝囉

---

某大通識部前輩提議小弟「以過來人身分」撰文分享學生刊物如何經常陷入眼高手低志大才疏等困局...

嘩，家陣唔係要傷台選唱騎?「捲入旋渦」ha wa

簡單講下囉，我係回水運動發起人（雖然呢個一人運動隨住我失學都摺左十九幾世），但係聽到有人出左本野唔 Nike 先開聲話回水，都忍唔住笑...想回水，去搵讀者雲集啦

生命中只有兩樣野係無法避免 ge je，唔係唐唐講果兩樣呀，而係有人濫用讀者雲集和 M&$ 禮服的退貨回水囉﹗

甚麼是「學生需要的內容」呢？早兩日個輸入小弟都講過是攻略，不過講得唔到肉 je，佢地最想要咪考試攻略?題目 + 建議答案囉（仲要同教師達成共識背犯文唔准扣分添）

再唔係就通常聽到人講「咁刊物要展現到『作為』大學生應有的品位囉﹗」︰哦，好簡單 je，整篇叔本華分析囉﹗喂掂 wor，反正都是維基作業 + CV 大法 je

知性文章...不如我直接比條連結你或者你自行維基仲好啦，有如捅你同學的電腦技巧的話就直頭自行谷歌都得啦，又唔係比偉大祖國 block 左你，你又咁有獨立思考，廣闊思考，批判思考

即是剩返所謂批判文章，結果最後都是軟性為主，最惡都是剷在舍堂裝你心儀對象洗澡的無恥之徒.大佬呀，你想我點？以我名義出的批判就成了我身體的一部分，它一旦隨身體的另一些部分硬起來，到時無恥之徒就變成是我了

於是原本一本只是刊了一篇只是暴露了學生未讀 RM 打好根基的文章的刊物就成了與「勝」（因為我不肯定那字會否令大家不安，所以都是鞋音取締算了）經齊名的不安不雅刊物了

我開個盤，下年某苑齊莊 <= 五人，1.05 for 1，抵買呀，下十年我係咁話，學生編委會同上帝一樣，都因為旗下的不訝刊物而已死了.

昨晚去了碌齡...93, 143, 169，看似漸入佳境，只是右腳的 Achilles tendon 卻越來越痛，幾乎要單腳跳回家

別以為右腳阿鍵對呢項運動作用不大，倒數第二步就是靠右腳發力把身體推出去，結果我整晚變成走四步－身體稍為前傾－把球扔出去，三局下來有 390+ 都算係咁

---

今天精神不振，憶起一年前在日時美國同學強力推介高純度可可固化物，於是去寧食勿語整塊明治 86% 試下...

結果真是很有效，問題是在十二個鐘後即是而家先有效，明明晚上喝的是雞骨草，點解而家感覺像喝左豬肉湯咁...

睇黎可以搣到五點睇 JK？﹗

---

剛剛睡醒的 Vienna 同學聲音比平日溫柔很多 wor﹗不過打電話過去吵醒了她真是不好意思.

---

東岸活隊已打出 7-0 而騎隊亦打出 6-0，近來看得太多推背圖的港人立即開始沙盤推演研究下究竟占士大帝能否打爆個塞成功晉身總決賽

近來 ES*N 很喜歡用 E* Sports 出品的遊戲去模擬賽事結果以作評論，

既然是咁我打算明天就重裝個「勁爆職籃 98」（台胞們批評祖國同志「擇日再死」的時候，怎麼也不想想，這到底是哪門子的鳥譯名？）來模擬下活－騎呢個東岸決賽系列，再向大家分享下有趣的地方.

---

UHK-MLS 分校之學生報章因編輯們銳意求變創新而被社會「人士」怒剷，並引來時事評論員「熹哥」的朋友得哥（關於引號內二字，得哥的確是咁叫我；關於引號前五字，Jhon 同學的確是咁稱呼／揶揄我）於其網誌中大加評論一番.

理 論上小弟算是所謂學生出版物編輯之過來人，回想當年整莊亦銳意要創新云云，想到這點小弟真要抹一把汗.當年弊莊也有莊友愛好「另類電影」，而其中當然包括 所謂「情色電影」（讀者所處社會又豈有不將「那些」電影列作另類之理？）倘若當年莊友提議向這個方向發展，則我當年定有兩大頭痕問題，

問 題一當然是不知道如何把出版物「市場」出去（就像馬校校友本出版物那樣，無圖怎有吸引力呢？），問題二則更嚴重，就是小弟根本沒有如斯想像力和經驗（我指 看「那些」電影的經驗，不要誤會啊）來寫這類型的文章；認識我的朋友也肯定知道我一定不會開一個叫 "Stephy" 的信箱，

係開都開個叫 "Theresa" 啦﹗

幸好只是當年搞了些甚麼戰爭論述和所謂「集體回憶」（由此可見我絕對比公文袋甚至灣仔區某區議員更早著先機），不致有任何大錯，頂盡都是被人嘲笑刊物眼高手低，

事既至此我還可以說句「為免曲高和寡我們才寫成這樣」來逃避責任添

眼高手低一向都是大學學生出版物之弊處，原因很簡單就是因為口碑不如數據

泥生本刊物如何嘩眾取寵和不擇手段而被人抨擊，一個銷售數字已是有力反擊（而且有野落袋添）；反觀學生出版物大家都是當免費報咁拿（當然羊毛有部分是出在羊身上，在呢方面我一向好支持學生應可自由退會），即是派晒都唔見得是刊物質素使然，派唔晒都可能真是曲高和寡.

再 講以小弟出席過的諮詢大會，從來都唔會有人聲稱出版方針是「迎合同學的需要，因此我們會刊載電視劇劇情和遊戲攻略」，因為這樣鐵定被上／上...上莊剷 死；反而每次答案必然是「帶出新觀點新思維角度予同學」云云，如此上／上...上莊就會一臉「沒錯，這才是王道嘛﹗」的表情再輕輕點頭表示答對.

至於是次事件刊物內容是否令人反感，則要看過才知道；不過想來網絡世界光怪陸離，真是有咩文章未見過呢，小弟便斷定該刊物無法令我覺得不雅或不安，故此還是省點時間略過算了.

惟如社會輿論多數傾向認為此等內容不雅，咁編輯們真是唔好意思，算你們倒楣了.多數人都認為是錯的話，咁原本未分對錯（注意，不是無分，是未分）的事就可以演繹成為錯了.這也許就是民主精神？

最令人遺憾的也許是原本屬擦槍走火的小事一樁，家陣搞到編輯們可能要負刑責，而且又面臨學校處分，即使唔駛坐都可能被 discon.家陣呢個是真正 Risk Society，學生們真是咩風險都唔好冒，越保守越好.

所以話呢，馬分校的編輯們，諗咩野同蟑螂螞蟻小黃瓜做愛呢？諗下同果個甚麼明光社的衛道之士做好過啦，起碼人地都叫自己做「人」嘛.

點解呢個鐘數都未訓，是因為 being killed by Killer Sudoku...am報那些所謂 Hard 去到呢個 site 都是 Easy 咁上下難度，這裡的 Outrageous 真是令人幾 Outrageous 囉...

---

都係訓先，待會仲有 Final 前哨戰 Game #2，話晒今年我都未睇過 Bowen ，學下佢的新招.

笑盒同學自美回港，難得約到咁多人一齊打球，令人有「世界明星隊」為老球星踢告別賽的感覺...無計，過多兩三個月，不少人都真是要各散東西

---

雖 然去年看了一半 "Blink" 便中斷了，還挺相信一些原始意念其實就是自己最大的喜好.例如想做哪一行，其實好像在到東洋前已經想好了.回來後儘管受到不少質疑，仍相信這是 "do it my way".不過好像還要後悔一下沒有更好地利用這個非常非常長的休止期，哈，最起碼還未挾得哥去蟲蛀簡林...

---

說起球星退休，想不到 Kim Clijsters 本來說本季後退休已是早，今天竟突然宣佈即日掛拍，真是令人意外...才快 24 歲，唉，又是時候後悔一月時沒去維園看球，雖然超貴...

---

悼 TMac，他今日已是拚盡全力...一隊以防守見長的球隊連失三個長籃板，實在無話可說，老實說季後應如何補強，我也沒有頭緒...也許是需要一位較稱職 的控衛吧，但哪隊不想要呢？後備全告啞火，算了，就當一年經驗吧...可是「麥迪」還有多少年呢？就像 Kobe，又還有多少年呢？為甚麼要找當打球星的黃金時期來發展隊中新人呢？像 Lakers 這樣的陣容，把 Kobe 搵成兩個 MJ，相信也是慘敗下場.

The Warriors beats the Mavs! Terrific series! Dirk's contained by smaller defenders so badly that he would prefer to be guarded by Bruce Bowen, haha!

可能是我太久沒看歐聯（上一次看已是一星期前的事了），今晚才發覺有個新統計數字，就是球員被換出時會顯示他移動總距離，例如今晚有「意大利歐偉倫」之稱的恩生，就在六十幾分鐘內移動了八千多米.

不知道某港的球員有否這樣的體能呢？

之前有關卡生的轉會新聞不絕，以這兩場的表現看，就算有球會出整條中場線換佢，我認為都唔駛諗喇

除非...是整條中場線是四個咸哥，咁即使球賽輸死都可望賺死 ge

---

今早看 GS@Dal Game 5，看到第三節完結便出門，結果讓 Mavs 扳回一城...之前每次我看完全場，GS 大都取勝，為免夜長夢多，看來週五我應堅持捧足全場才回薄扶林分校了

---

說到回薄校，是因為 UHK-PFL 某學院（非苑）又搵我向潛在學生賣廣告，惟想起自己現在的情況，似乎都不太有說服力︰「各位同學不妨考慮選讀此課程，你睇我現在的下場幾咁美好呢﹗」

例不如搵身在鈕樓六樓的陳研究鋤你來講，應該比較吸引

---

晚上也播放了 Federer vs Nadal 的雙面球場搞 gag 比賽，半邊球場是草地半邊是泥地，轉場也要換鞋，非常搞笑.其實都是在泥地那邊擊球的球員較有優勢吧...

到石崗軍營一遊...

估唔到解放軍駐港部隊都使用胡 Sir 籃板 wor!